काठमाडौं । अभिनेता राजेश हमालको जीवनी–आधारित पुस्तक ‘युगदेखि युगसम्म’ शनिबार सार्वजनिक गरिएको छ ।
काठमाडौंको कमलादीस्थित प्रज्ञा डबलीमा आयोजित विशेष कार्यक्रममा अभिनेता हमाल स्वयं, लेखक एवं पत्रकार यज्ञशसहितका व्यक्तित्वहरूले पुस्तक सार्वजनिक गरे ।
पत्रकार तथा लेखक यज्ञशसँगको लामो संवादका आधारमा तयार गरिएको यस पुस्तकमा हमालको जीवनयात्रा, चलचित्र क्षेत्रका अनुभव, संस्मरणहरू, समाजप्रतिको दृष्टिकोण र व्यक्तिगत विचारहरू समेटिएका छन्।
पुस्तकमा राजनीति, धर्म, दर्शन र मनोविज्ञानसँग सम्बन्धित विषयहरू पनि समावेश गरिएको अभिनेता हमालले बताए। ‘यो केवल मेरो जीवनकथा होइन, मैले देखेका समाजका रुप, मानवीय भावना र समयका परिवर्तनको चित्रण पनि हो,’ उनले भने।
तीन वर्षको तयारीपछि फाइन प्रिन्ट प्रकाशनले बजारमा ल्याएको यो पुस्तक नेपाली चलचित्रका ‘महानायक’ हमालको जीवन र दृष्टिकोण बुझ्न चाहनेका लागि महत्वपूर्ण कृति मानिएको छ।
प्रकाशित मिति: २५ आश्विन २०८२, शनिबार
प्रतिक्रिया