काठमाडौं । राष्ट्रपति रामचन्द्र पौडेल स्वास्थ्य लाभपछि अस्पतालबाट डिस्चार्ज भएका छन् ।
शनिबार बिहान स्वास्थ्यमा केही समस्या देखिएपछि उनलाई महाराजगञ्जस्थित मनमोहन कार्डियोथोरासिक भास्कुलर एन्ड ट्रान्सप्लान्ट सेन्टरमा भर्ना गरिएको थियो । चिकित्सकहरूको निगरानीमा राखी उपचारपछि उनको स्वास्थ्य अवस्था सामान्य बनेको र आज डिस्चार्ज गरिएको राष्ट्रपति कार्यालयले जनाएको छ ।
राष्ट्रपति पौडेलको स्वास्थ्यमा समस्या देखिएपछि शनिबार निर्धारित जेन–जी समूहसँगको छलफल स्थगित गरिएको थियो । अब उक्त छलफल सोमबारका लागि सारिएको जनाइएको छ ।
प्रकाशित मिति: २६ आश्विन २०८२, आइतबार
प्रतिक्रिया