काठमाडौं । नेकपा (एमाले)को सचिवालय बैठक अहिले अध्यक्ष केपी शर्मा ओलीको निवासमा जारी छ ।
ओली अस्वस्थ भएका कारण शनिबारका लागि तय गरिएको बैठक स्थगित भएको थियो । स्वास्थ्य अवस्था सामान्य भएपछि आज पुनः बैठक सुरु गरिएको एमाले केन्द्रीय कार्यालयका सचिव भीष्म अधिकारीले जानकारी दिएका छन् ।
अधिकारीका अनुसार बैठकमा हालको जेन–जी आन्दोलनले सिर्जना गरेको राजनीतिक परिस्थिति, पार्टीको केन्द्रीय कमिटी बैठकका एजेन्डा तथा आगामी राजनीतिक रणनीतिबारे विस्तृत छलफल भइरहेको छ ।
यसअघि शुक्रबार बसेको सचिवालय बैठकमा नेताहरूले राष्ट्रिय एकता सुदृढ गर्न, राजनीतिक दलहरूबीच सहकार्यको भावना अघि बढाउन र देशभर वाम एकताको वातावरण निर्माण गर्नुपर्ने आवश्यकता औंल्याएका थिए ।
प्रकाशित मिति: २६ आश्विन २०८२, आइतबार
प्रतिक्रिया