काठमाडौं । नेपाली कांग्रेसका महामन्त्री गगन थापाले देशमा राजनीतिक संवादको नयाँ अध्याय सुरू गर्न प्रमुख तीन दलका शीर्ष नेताहरूलाई नेतृत्वबाट बिदाइ गर्नुपर्ने बताएका छन्।
आइतबार सामाजिक सञ्जालमार्फत भिडियो सन्देश जारी गर्दै उनले नेपाली कांग्रेस, नेकपा (एमाले) र नेकपा (माओवादी केन्द्र) का वर्तमान शीर्ष नेताहरू अब नयाँ पुस्ताका लागि मार्ग खुला गर्नुपर्ने बताए।
उनका अनुसार, मुलुकले स्थायित्व र समृद्धिको दिशामा अघि बढ्नका लागि पुराना नेतृत्वले सम्मानपूर्वक बिदाइ लिएर नयाँ सोच, ऊर्जा र दृष्टिकोण भएका युवाहरूमाथि जिम्मेवारी सुम्पिन जरुरी छ।
थापाले देशको हितलाई केन्द्रमा राखी सहमति, संवाद र विश्वासको नयाँ वातावरण सिर्जना गर्न सबै राजनीतिक दल र नेताहरूलाई आह्वान पनि गरे।
प्रकाशित मिति: २६ आश्विन २०८२, आइतबार
प्रतिक्रिया