काठमाडौं । नेकपा (एमाले)ले प्रतिनिधि सभाको पुनःस्थापनाको पक्षमा सर्वसम्मत निर्णय गरेको छ । पार्टीले प्रतिनिधि सभा विघटनलाई असंवैधानिक ठहर गर्दै सर्वोच्च अदालतमा पुनःस्थापनाका लागि जाने तयारी गरेको हो ।
महासचिव शंकर पोखरेलका अनुसार, पार्टीको केन्द्रीय सचिवालयको ५८औँ बैठकले प्रतिनिधि सभा विघटन संविधान विपरीत भएको ठहर गर्दै पुनःस्थापनाको पक्षमा एकमत निर्णय गरेको छ ।
पोखरेलले सामाजिक सञ्जालमार्फत् भनेका छन्, ‘केन्द्रीय सचिवालयको ५८औँ बैठकले प्रतिनिधि सभा विघटनलाई असंवैधानिक ठहर गर्दै पुनःस्थापनाका पक्षमा सर्वसम्मत निर्णय गरेको छ।’
शुक्रबार र आइतबार भक्तपुरमा बसेको बैठकमा विघटनको निर्णय संविधान र लोकतान्त्रिक अभ्यासविपरीत भएको निष्कर्ष निकाल्दै एमालेले न्यायिक मार्गबाट प्रतिनिधि सभाको पुनःस्थापना गर्न पहल गर्ने निर्णय गरेको हो ।
प्रकाशित मिति: २७ आश्विन २०८२, सोमबार
प्रतिक्रिया