काठमाडौं । भूमि समस्या समाधान आयोग खारेज गर्ने सरकारी निर्णयविरुद्ध नेकपा (एमाले) निकट अखिल नेपाल किसान महासंघले विरोध प्रदर्शन गर्ने भएको छ।
महासंघ र भूमि अधिकार तथा श्रमिक संगठनले मंगलबार काठमाडौंको तीनकुनेमा विरोध प्रदर्शन र कोणसभा आयोजना गर्ने तयारी गरेको जनाएको छ।
किसान महासंघका अनुसार आयोग खारेज गरेर सरकारले भूमिहीन, सुकुम्बासी र अव्यवस्थित बसोबासीमाथि गम्भीर अन्याय गरेको छ।
गत बिहीबार बसेको मन्त्रिपरिषद्को बैठकले भूमि समस्या समाधान आयोग र त्यसअन्तर्गतका सबै जिल्ला समिति खारेज गर्ने निर्णय गरेको थियो।
भूमि समस्या समाधान आयोग गठन आदेश २०८१ अनुसार अघिल्लो सरकारले गठन गरेका आयोग र समितिहरू खारेज गर्ने निर्णयपछि विभिन्न राजनीतिक दल र किसान संगठनले सरकारको विरोध गर्दै आएका छन्।
प्रकाशित मिति: २७ आश्विन २०८२, सोमबार
प्रतिक्रिया