जनकपुरधाम । मधेस प्रदेशकी शिक्षा तथा संस्कृति मन्त्री रानीकुमारी तिवारीले पदबाट राजीनामा दिएकी छन्। उनले सोमबार मुख्यमन्त्री सतिशकुमार सिंहलाई राजीनामा पत्र बुझाउँदै आजकै मितिदेखि प्रभावकारी हुने गरी पदत्याग गरेकी हुन्।
तिवारी नेपाली कांग्रेस, नेकपा (एमाले), जनमत पार्टी र लोकतान्त्रिक समाजवादी पार्टी (लोसपा) सम्मिलित संयुक्त सरकारकी प्रतिनिधि थिइन्।
मुख्यमन्त्री सिंहले बुधबार प्रदेशसभामा विश्वासको मत लिने तयारी गरिरहेका बेला तिवारीको राजीनामाले प्रदेश सरकार थप संकटमा पर्ने देखिएको छ।
लोसपा तर्फबाट मन्त्री बनेकी तिवारीले भने राजीनामाको कारण खुलाएकी छैनन्। यसअघि नेपाली कांग्रेस, नेकपा (एमाले) र जनमत पार्टीले सरकारप्रति समर्थन फिर्ता लिए पनि लोसपाले अझै समर्थन फिर्ता नलिएको स्थिति छ।
प्रकाशित मिति: २७ आश्विन २०८२, सोमबार
प्रतिक्रिया