काठमाडौं । जनमत पार्टीका अध्यक्ष सिके राउतले पार्टी विभाजनविरुद्ध सर्वोच्च अदालतमा रिट दायर गरेका छन्।
यसअघि पार्टीका उपाध्यक्ष दीपककुमार साहले असन्तुष्टि जनाउँदै पार्टी फुटाएर नयाँ दल, जनस्वराज पार्टी गठन गरेका थिए।
अध्यक्ष राउतले पार्टीको नीति र विधान विपरीत कार्य गरेको भन्दै साहलाई निष्कासन गरेका थिए। राउतले यही कारणले निर्वाचन आयोगलाई विपक्षी बनाउँदै रिट दायर गरेका हुन्।
बिहीबार दायर गरिएको रिटको सुनुवाइका लागि शुक्रबार सर्वोच्च अदालतमा पेसी तोकिएको छ।
उक्त नयाँ पार्टीलाई निर्वाचन आयोगले असोज २८ गते आधिकारिक मान्यता प्रदान गरेको थियो।
प्रकाशित मिति: ३० आश्विन २०८२, बिहिबार
प्रतिक्रिया