काठमाडौं । प्रधानमन्त्री सुशीला कार्कीले सहकारी ठगी गर्नेहरूलाई अहिलेकै सरकारले कुनै पनि हालतमा छाड्ने नहुने स्पष्ट चेतावनी दिएकी छिन्।
बिहीबार प्रधानमन्त्री तथा मन्त्रिपरिषद् कार्यालयमा मन्त्री, सचिव, संकटग्रस्त समस्या समाधान आयोगका सदस्य, सहकारी समस्या नियमन प्राधिकरण र सहकारी पीडित बचतकर्ता संरक्षण राष्ट्रिय महासंघका प्रतिनिधिहरूलाई एकै ठाउँमा राखेर आयोजित छलफलमा उनले सहकारी ठगीमा संलग्न व्यक्तिहरूविरुद्ध कारबाही गर्ने प्रतिबद्धता जनाएकी हुन्।
प्रधानमन्त्री कार्कीले ठगहरू महंगा घडी लगाएर, गाडी चढेर हिँड्ने, नक्कली डिभोर्स गर्ने जस्ता तरिकाले पन्छिने भएकाले उनीहरूलाई कानुनअनुसार छाड्न नहुने बताइन्। साथै, कानुनमा कमजोरी भए त्यसलाई सुधार गर्न पनि उनले निर्देशन दिइन्।
उनको भनाइ अनुसार, ‘सहकारी ठगीमा परेका पीडितको बचत फिर्ता गराउन सरकारले घरजग्गा लिलाम गर्नुपरे पनि, वा विदेशमा रहेका ठगीकर्ता खोजेर पनि समस्या समाधान गर्नुपर्छ। हामीले नगरेको खण्डमा अरूले पनि नगर्नेछ। पीडित सडकमा रोएर हिँड्ने, ठग भने सुगम जीवन बिताउने—यस्तो सभ्य समाजको परिचय होइन।’
प्रधानमन्त्री कार्कीले सहकारी ठगीलाई तत्कालीन सरकारकै प्राथमिकतामा राखेर समाधान गर्नुपर्नेमा जोड दिँदै कानूनी प्रक्रिया र प्रभावकारी निगरानीको महत्त्व स्पष्ट पारेकी छन्।
प्रकाशित मिति: ३० आश्विन २०८२, बिहिबार
प्रतिक्रिया