काठमाडौं । राष्ट्रिय ट्रेड युनियन महासंघ (जिफन्ट) का केन्द्रीय उपाध्यक्ष कमल गौतमको बिहीबार आकस्मिक निधन भएको छ।
भैरहवास्थित नेपाल विद्युत प्राधिकरण कार्यालय अगाडि आयोजित धर्ना कार्यक्रममा भाषण दिँदै गर्दा ६५ वर्षीय गौतम अचानक ढलेका थिए। उनलाई तत्काल मणिग्रामस्थित क्रिमसन अस्पताल लगिएको थियो, तर चिकित्सकहरूले उपचारका क्रममा उनलाई मृत घोषणा गरेका छन्।
बुटवल उपमहानगरपालिका–३, ज्योतिनगरका स्थायी बासिन्दा गौतम २०५४ सालदेखि जिफन्टमा सक्रिय रूपमा क्रियाशील थिए।
उनका दुई छोरा र श्रीमती रहेका छन्। जिफन्टले गौतमको असामयिक निधनप्रति गहिरो शोक व्यक्त गर्दै ट्रेड युनियन समुदायमा अपूरणीय क्षति पुगेको जनाएको छ।
प्रकाशित मिति: १३ कार्तिक २०८२, बिहिबार
प्रतिक्रिया