काठमाडौं । राष्ट्रपति रामचन्द्र पौडेलले मङ्गलबार शीतल निवासमा आयोजित समारोहमा मधेस प्रदेशका नवनियुक्त प्रदेश प्रमुख सुरेन्द्र लाभ कर्णलाई पद तथा गोपनीयताको शपथ गराएका छन्।
यसअघि सरकारले कानुनविपरीत मुख्यमन्त्री नियुक्ति गरेको आरोपमा तत्कालीन प्रदेश प्रमुख सुमित्रा सुवेदी भण्डारीलाई पदमुक्त गर्ने सिफारिस गरेको थियो। मन्त्रिपरिषद्को सिफारिसअनुसार राष्ट्रपति पौडेलले संविधानको धारा १६५ को उपधारा (१) खण्ड (ख) बमोजिम मङ्गलबारबाट लागू हुने गरी भण्डारीलाई पदमुक्त गरेका हुन्।
भण्डारीले जनकपुरबाट बिरामी भएको कारण बताउँदै काठमाडौं फर्केपछि बर्दिबासस्थित एक होटलमा एमाले संसदीय दलका नेता सरोज यादवलाई मुख्यमन्त्री पदको शपथ गराएकी थिइन्। उक्त कार्य कानुनविपरीत भएको भन्दै सरकारले कारबाही गरेको हो।
प्रकाशित मिति: २५ कार्तिक २०८२, मंगलबार
प्रतिक्रिया