काठमाडौं । नेपाली कांग्रेसले केन्द्रीय कार्यसमितिको बैठकको मिति परिवर्तन गरेको छ।
पार्टीले एक सूचना जारी गर्दै पूर्व निर्धारित मितिलाई तीन दिन पछाडि सारेको हो।
पहिले २०८२ मंसिर १ गते सोमबार दिउँसो २:०० बजेका लागि तय गरिएको बैठक अब मंसिर ४ गते बिहीबार दिउँसो २:०० बजे बस्ने गरी नयाँ मिति तोकिएको छ।
बैठक पार्टीको केन्द्रीय कार्यालय, बी.पी. स्मृति भवन, बी.पी. नगर, ललितपुरमा नै बस्नेछ।
उक्त बैठकका लागि केन्द्रीय कार्यसमितिका पदाधिकारी, केन्द्रीय सदस्य, आमन्त्रित सदस्य तथा सातवटै प्रदेश कार्यसमितिका सभापतिहरूलाई उपस्थित हुन अनुरोध गरिएको पार्टी कार्यालयले जनाएको छ।
प्रकाशित मिति: ३० कार्तिक २०८२, आइतबार
प्रतिक्रिया