काठमाडौँ । सोमबार मध्यरातमा भक्तपुरस्थित निवासबाटै दुर्गा प्रसाईं पक्राउ परेका छन् ।
निवासमा प्रवेश गरेर उनलाई प्रक्रिया पूरा गरेर नियन्त्रणमा लिई जिल्ला प्रहरी परिसर काठमाडौँमा ल्याइएको एक प्रहरी अधिकृतले जानकारी दिए ।
प्रसाईंका एक निकटस्थ सहयोगीका अनुसार सुतिसकेका प्रसाईंलाई पक्राउ गर्न प्रहरी टोली साेमबार मध्यराति निवासमा पुगेको थियो ।
निवास परिसरबाट उनलाई निकाल्दै गरिएको एक भिडियो सार्वजनिक भएको छ । उक्त भिडियोमा प्रसाईंले केही बोलेको सुनिन्छ । उनले आफू गाडी चढ्दै गरेको खिच्न कसैलाई भनिरहेको सुन्न सकिन्छ । मङ्सिर ७ देखि आन्दोलनको घोषणा गरेका उनले हिंसा भड्काउन सक्ने आशङ्कासहित पक्राउ परेका हुन् ।
प्रकाशित मिति: २ मंसिर २०८२, मंगलबार
प्रतिक्रिया