काठमाडौं । नेपाल प्रहरीका पूर्व अतिरिक्त प्रहरी महानिरीक्षक (एआईजी) विश्वराज पोखरेल राष्ट्रिय स्वतन्त्र पार्टी (रास्वपा) मा प्रवेश गर्दै पार्टी सभापति रवि लामिछानेमाथि गम्भीर अन्याय भएको आरोप लगाएका छन्।
शुक्रबार आयोजित स्वागत कार्यक्रममा पोखरेलले लामिछानेले भोगेको अन्यायविरुद्ध अब आफू पनि रास्वपाको पंक्तिबाट लड्ने प्रतिबद्धता व्यक्त गरे।
उनले भने, ‘मैंले २९ वर्ष प्रहरी सेवामा इमानदारीपूर्वक काम गरें। सत्य कुरा बोल्न कहिल्यै डराएनँ। रास्वपा अध्यक्षमाथि भएको अन्याय अब मेरो पनि लडाइँ हो भनेर यहाँ आएको हुँ।’
पोखरेलका अनुसार पार्टी सभापति लामिछानेको अदम्य साहस, जनताले दिएकाे विश्वास र परिवर्तनको स्पष्ट धारणा देखेर आफू रास्वपामा आकर्षित भएको हो।
परिवर्तनका लागि इमानदार र निडर व्यक्तिहरू एकसाथ जुट्नुपर्ने आवश्यकता जोड दिँदै उनले रास्वपा नै त्यस्ता व्यक्तिहरूको केन्द्र बन्न थालेको दाबी गरे।
जेनजी आन्दोलनको उन्मादमा देश आक्रान्त भइरहेका बेला पुराना दलका नेताहरू ओझेल पर्न थाले पनि, त्यसै समयमा जनताले रवि लामिछानेलाई काँधमा बोकेर नेतृत्वका रूपमा अघि सारेको उनीस्मरण थियो।
प्रकाशित मिति: १२ मंसिर २०८२, शुक्रबार
प्रतिक्रिया