काठमाडौं । नेपाली कम्युनिस्ट पार्टी(नेकपा)का संयोजक पुष्पकमल दाहाल ‘प्रचण्ड’ले हेलिकप्टरमा भागेर ज्यान जोगाउँदा पनि नेकपा एमालेका अध्यक्ष केपी ओलीमा अहंकार नहटेको टिप्पणी गरेका छन्। शनिबार लुम्बिनी प्रदेशको दाङमा आयोजित नेकपाको एकता सन्देश सभालाई सम्बोधन गर्दै प्रचण्डले यस्तो टिप्पणी गरेका हुन्।
‘मैले संसद्को रोष्टमबाटै भनेको थिएँ। बहुमतको धेरै दम्भ नदेखाउनुहोस् यस्तै अवस्था रहे कुनै दिन जनताले लेखेट्ने छन् भनेर,’ प्रचण्डले भने, ‘आज उहाँले यो सबै प्रचण्डले गरायो भन्दै हिँडेको सुन्छु। तर उहाँको अझै पनि अहंकार त्यागेको देखिँदैन।’
भदौ २४ गतको घटनाले चुनाव जितेर मात्रै केही ‘नाप्ने रहेनछ’ भन्ने देखिएको पनि उनले बताए। उनले भने, ‘हेलिकोप्टर चढेर भाग्नु पर्ने रहेछ। ठुलो कुरा जनताबिचको एकता आवश्यक रहेछ।’
प्रकाशित मिति: १३ मंसिर २०८२, शनिबार
प्रतिक्रिया