काठमाडौं । नेकपा (एमाले)को आसन्न एघारौँ महाधिवेशन नजिकिँदै जाँदा अध्यक्ष केपी शर्मा ओली र वरिष्ठ उपाध्यक्ष ईश्वर पोखरेल नेतृत्वसमूहका आकांक्षीहरू खुल्न थालेका छन्। अधिकांश जिल्लामा प्रतिनिधि चयन लगभग टुंगिन लागेका बेला पार्टीभित्र शीर्ष नेतृत्वका गतिविधि तीव्र बनेकाे छ।
पार्टी अध्यक्ष ओली भने यसपटक पनि प्रतिस्पर्धा भन्दा सहमतिमै जाने रणनीतिमा देखिन्छन्। सम्भावित ध्रुवीकरण रोक्न उनले भक्तपुर गुन्डुस्थित आफ्नो निवासमै केन्द्रीय सदस्यहरूसँग निरन्तर छलफल गरिरहेका छन्। स्रोतका अनुसार गण्डकी प्रदेशका केही केन्द्रीय सदस्य समेत मंगलबार उनलाई भेट्न गुन्डु पुगेका थिए ।
भेटमा ओलीले पदाधिकारीको सूची आफूले नै तयार पार्ने संकेत दिएका छन्। एक सहभागी नेताका अनुसार, सबै पक्ष समेटेर सूची बनाउँछु, सबैले त्यही सूचीलाई समर्थन गर्नुपर्छ भन्ने ओलीको आग्रह थियो। ओलीले कसरी र कसलाई सूचिमा राख्ने भन्नेबारे विस्तृत खुलाएका छैनन्।
प्रकाशित मिति: १७ मंसिर २०८२, बुधबार
प्रतिक्रिया