काठमाडौं । नेकपा एमालेका वरिष्ठ उपाध्यक्ष ईश्वर पोखरेलले भदौ २३ र २४ गतेका घटनाबारे गठित छानबिन आयोगमा पार्टी अध्यक्ष केपी शर्मा ओलीले अनिवार्य रूपमा बयान दिनुपर्ने बताएका छन्।
११औँ महाधिवेशनमा अध्यक्ष पदका दावेदार रहेका पोखरेलले सोमबार पत्रकारहरूसँग कुरा गर्दै आयोगबारे केही शंका रहे पनि बोलाइएको समयमा उपस्थित हुनु सबैका लागि स्वाभाविक प्रक्रिया भएको उल्लेख गरे। उनले भने, ‘सरकारले बनाएको आयोग हो, हाम्रो केही आरक्षण हुन सक्छ। तर बयान दिन बोलाएको छ भने जानैपर्छ, म भएको भए झन् पहिले नै गईसक्थें जस्तो लाग्छ। अवज्ञा गर्नु सही हुँदैन’।
छानबिन आयोगका अध्यक्ष गौरीबहादुर कार्कीको भूमिकाप्रति पोखरेलले प्रश्न उठाउँदै आयोग निष्पक्ष नहुने आशंका पनि व्यक्त गरे।
प्रकाशित मिति: २४ मंसिर २०८२, बुधबार
प्रतिक्रिया