काठमाडौं । राष्ट्रिय प्रजातन्त्र पार्टी (राप्रपा)ले आगामी फागुन २१ गते हुने प्रतिनिधिसभा निर्वाचनका लागि मकवानपुर–१ बाट दीपक बहादुर सिंहको एकल नाम सिफारिस गरेको छ।
राप्रपा मकवानपुर निर्वाचन क्षेत्र नम्बर–१ को क्षेत्रीय समितिको मंगलबार बसेको बैठकले प्रत्यक्षतर्फ सिंहको नाम सिफारिस गरेको हो।
त्यसैगरी समानुपातिकतर्फ उमेश थापा, नवराज थपलिया, अरुण लामा, मनोज कुमार मोक्तान र बालकृष्ण श्रेष्ठको नाम सिफारिस गरिएको छ।
बैठकले सरस्वती कुमारी थिङ, मनिषा स्याङतान, हिरा कुमारी भट्ट, हिरा चौरेल, सन्देश परियार, दिपु सुनार र शुक्रराज प्रजाको नाम पनि सिफारिस गरेको छ।
प्रकाशित मिति: ८ पुस २०८२, मंगलबार
प्रतिक्रिया