काठमाडौं । नेकपा एमालेका महासचिव शंकर पोखरेलले जेन–जी आन्दोलनको नाममा भएको विध्वंसकारी घटनाप्रति कडा आपत्ति जनाएका छन्। उनले एकै दिनमा भएको ठूलो क्षति कहिल्यै पनि जनताको वास्तविक आन्दोलनको हिस्सा हुन नसक्ने स्पष्ट पारेका छन्।
सरकारी प्रतिवेदनअनुसार जेठ २३ र २४ गतेको जेन–जी आन्दोलनबाट करिब ८४ अर्ब ४५ करोड रुपैयाँको क्षति भएको र पुनर्निर्माणका लागि थप ३६ अर्ब रुपैयाँ आवश्यक रहेको समाचार सार्वजनिक भएपछि पोखरेलले सामाजिक सञ्जालमार्फत आफ्नो आपत्ति प्रकट गरेका हुन्।
पोखरेलले जनताको नाममा हुने आन्दोलन कहिल्यै पनि विध्वंसात्मक हुन नहुने बताए। उनले भने, ‘कुनै पनि बहानामा यस्तो प्रकारको तोडफोड र क्षति स्वीकार्य हुँदैन।’
साथै उनले जेन–जी आन्दोलनको नाममा नेपाली युवामाथि षड्यन्त्र लगाइएको विषयमा पनि आपत्ति जनाए। युवालाई दोषारोपण गर्नु अनुचित भएको भन्दै उनले यस प्रकारको कार्य आफूले स्वीकार नगर्ने स्पष्ट पारेका छन्।
पोखरेलले भने, ‘यस्तो हुनै सक्दैन। हामी बिर्सने छैनौँ—यस विध्वंसका योजनाकार र मतियारहरूलाई,’ र उक्त घटनाका जिम्मेवारहरुलाई कारबाहीको चेतावनीसमेत दिएका छन्।
प्रकाशित मिति: १४ पुस २०८२, सोमबार
प्रतिक्रिया