काठमाडौं । फिल्म निर्माता तथा अभिनेता दीपकराज गिरीले मंगलबार बेलुका फेसबुकमा सांकेतिक स्टाटसमार्फत आफ्नो आउँदो फिल्मको कथावस्तु र चरित्र चित्रणको झलक दिएका छन्।
उनी लेख्छन्, ‘आखिर म पनि निर्वाचनमा उठ्ने नै भएँ।’
दीपकका अनुसार समयक्रममा धेरैले आफूलाई कांग्रेस, एमाले, राजावादी वा माओवादी ठान्ने गरेको तर हालका दिनहरूमा धेरैले आफूलाई राष्ट्रिय स्वतन्त्र पार्टी (रास्वपा)सँग जोड्ने गरेको अनुभव उनले साझा गरे।
फागुनमा छायांकन सुरु हुने फिल्ममा दीपकले अन्यायविरुद्ध निर्वाचनमा होमिएका उम्मेदवारको भूमिकामा अभिनय गर्नेछन्। उनले भने, ‘म उठ्ने त्यसैमा हो,’ जसले उनको पात्रको विशेषता झल्काउँछ।
राजनीतिमा वास्तविक रूपमा संलग्न हुने सम्भावनाको खण्डन गर्दै दीपकले फिल्मको काम निरन्तरता दिने प्रतिबद्धता व्यक्त गरे। उनले लेखेका छन्, ‘मैले जानेको पनि यही हो। जे जान्दछु, गर्ने पनि त्यही नै हो।’
साथै, फागुन २१ मा हुने प्रतिनिधिसभा निर्वाचनमा दीपकले परिवर्तनकारी पक्षलाई समर्थन गर्ने खुलासा पनि गरे। उनले भने, ‘जहाँसम्म समर्थनको कुरा छ, यो पल्ट मेरो समर्थन परिवर्तनकारी पक्षतिर नै रहनेछ। सबैको जय होस्।’
प्रकाशित मिति: १५ पुस २०८२, मंगलबार
प्रतिक्रिया