काठमाडौं । नेपाली कांग्रेसका सभापति शेरबहादुर देउवाले दुई महामन्त्री र कार्यवाहक सभापतिलाई डाकेका छन् ।
विशेष महाधिवेशन आयोजना गर्ने भन्दै भृकुटीमण्डपमा हल बुक गरेपछि देउवाले महामन्त्रीद्वयसँग छलफल गर्न बैठक डाकेका हुन् ।
सभापति देउवाले विशेष महाधिवेशनको कार्यविधि, निर्देशिकका केही पनि नभएको भन्दै थप विवाद आउने भएकाले नियमित महाधिवेशनमा नै जानुपर्ने बताउँदै आएका छन् ।
यता, महामन्त्रीद्वयले भने पुस २८ अघि नियमित महाधिवेशन सम्भव नहुने भएपछि विशेष महाधिवेशन बैधानिक बाध्यता भएको बताउँदै आएका छन् ।
उनीहरूले नियमित महाधिवेशन सम्भव नहुनासाथ विशेष महाधिवेशनको प्रस्ताव ‘एक्टिभ’ हुने बताउँदै पुस २७ र २८ का लागि भृकुटीमण्डपको हल बुक गरेका छन् ।
प्रकाशित मिति: १७ पुस २०८२, बिहिबार
प्रतिक्रिया