काठमाडौं । नेकपा एमालेका अध्यक्ष केपी शर्मा ओली र नेकपा (नेकपा) का संयोजक पुष्पकमल दाहाल ‘प्रचण्ड’बीच भेटवार्ता भएको छ ।
दुई नेताबीच च्यासलस्थित एक घरमा करिब ३० मिनेट एक्लै भेटवार्ता भएको जानकारी प्राप्त भएको छ। स्रोतका अनुसार, भेटवार्तामा आगामी प्रतिनिधिसभा सदस्य निर्वाचन र राष्ट्रियसभाका लागि चुनावी तालमेलको सम्भावना विषयमा छलफल भएको छ। तर, यस भेटवार्ताको विस्तृत विवरण अहिलेसम्म सार्वजनिक गरिएको छैन।
जेनजी आन्दोलनपछि फागुन २१ गते हुने प्रतिनिधिसभा सदस्य निर्वाचनका लागि नेपाली कांग्रेस, एमाले र नेकपा बीच चुनावी समन्वयका बारे अनौपचारिक कुराकानी भइरहेको बताइएको छ।
प्रकाशित मिति: २० पुस २०८२, आइतबार
प्रतिक्रिया