काठमाडौं । सामाजिक अभियन्ता आशिका तामाङले राष्ट्रिय स्वतन्त्र पार्टी (रास्वपा) मा आबद्ध भएका ऊर्जामन्त्री कुलमान घिसिङलाई लक्षित गर्दै कडा व्यंग्यात्मक टिप्पणी गरेकी छन् ।
घिसिङले आफू संरक्षक रहेको उज्यालो नेपाल पार्टीको समानुपातिक उम्मेदवार सूचीमा भान्जादेखि ससुरासम्मका आफन्तको नाम समावेश गरेको भन्दै व्यापक आलोचना हुँदै आएको छ । आलोचनापछि घिसिङले ती नाम फिर्ता लिने प्रतिबद्धता जनाए पनि अहिलेसम्म सूची संशोधन नभएपछि तामाङले सामाजिक सञ्जालमार्फत कटाक्ष गरेकी हुन् ।
तामाङले सामाजिक सञ्जालमा लेख्दै ‘भनेपछि ससुराबा र भान्जाले नाम फिर्ता लिन मानेनन् ? आफ्नै रगतको भाइका ससुरा आफ्नै ससुरा पर्छन् कि पर्दैनन् ?’ भन्दै प्रश्न उठाएकी छन् । साथै उनले ‘नाताले भान्जा पर्ने व्यक्ति आफन्त हो कि होइन ?’ भन्दै घिसिङको निर्णयमाथि थप प्रश्नसमेत गरेकी छन् ।
प्रकाशित मिति: २२ पुस २०८२, मंगलबार
प्रतिक्रिया