काठमाडौं । नेपाली कांग्रेसका महामन्त्रीद्वय गगन थापा र विश्वप्रकाश शर्माले पार्टीको केन्द्रीय कार्यसमितिको आकस्मिक बैठक बहिष्कार गरेका छन्।
आज बिहान पार्टी केन्द्रीय कार्यालय सानेपामा बसेको उक्त बैठकमा दुवै महामन्त्री अनुपस्थित रहेको नेताहरूले जानकारी दिएका छन्।
केन्द्रीय पदाधिकारी, सदस्य, आमन्त्रित सदस्य तथा सातै प्रदेशका सभापतिहरूलाई बोलाइएको बैठकमा थापा र शर्माको सहभागिता नदेखिएको हो।
यसैबीच, महामन्त्रीद्वयले विशेष महाधिवेशनको प्रक्रिया अघि बढाइसकेका छन्। उनीहरूले यही महिनाको २७ र २८ गते विशेष महाधिवेशन आह्वान गर्ने निर्णय गरेका छन्।
प्रकाशित मिति: २६ पुस २०८२, शनिबार
प्रतिक्रिया