बैतडी । बैतडीमा बोलेरो जिप दुर्घटना हुँदा तीन जनाको घटनास्थलमै मृत्यु भएको छ । सुर्नया गाउँपालिका–६ मोतीनगरबाट डडेल्धुरातर्फ जाँदै गरेको म १ ज २२४ नम्बरको बोलेरो जिप सोमबार बिहान करिब साढे १० बजे जय पृथ्वीराजमार्ग अन्तर्गत पाटन नगरपालिका–८ स्थित साँडीघाटी नजिक दुर्घटनामा परेको हो ।
जिल्ला प्रहरी कार्यालय बैतडीका प्रवक्ता प्रहरी निरीक्षक सुरज सिंहका अनुसार जिप अनियन्त्रित भई सडकबाट करिब ३०० मिटर तल खसेको थियो । दुर्घटनामा परेर ज्यान गुमाएका तीन जनाको हालसम्म पहिचान खुल्न सकेको छैन ।
जिपमा सवार अन्य सबै व्यक्ति घाइते भएका छन् भने घाइतेहरूको यकिन संख्या खुल्न बाँकी रहेको प्रहरीले जनाएको छ । घटनाबारे थप अनुसन्धान भइरहेको जिल्ला प्रहरी कार्यालय बैतडीले जानकारी दिएको छ ।
प्रकाशित मिति: २८ पुस २०८२, सोमबार
प्रतिक्रिया