विराटनगर । राष्ट्रिय स्वतन्त्र पार्टी (रास्वपा) का सभापति एवं पूर्वगृहमन्त्री रवि लामिछानेका कानुन व्यवसायी यज्ञमणि न्यौपाने मोरङ–१ बाट प्रतिनिधिसभा सदस्यको उम्मेदवार बन्ने भएका छन्।
यसअघि झापा–५ बाट उम्मेदवारीको तयारीसहित केही समयदेखि उतै बस्दै आएका न्यौपाने झापा–५ मा रास्वपाका वरिष्ठ नेता बालेन साह उम्मेदवार बन्ने भएपछि मोरङ सरेका हुन्। हाल उनका परिवार भने काठमाडौंमा रहेका छन्।
मोरङ–१ मा नेकपा एमालेले प्रदेश अध्यक्ष घनश्याम खतिवडालाई उम्मेदवारका रूपमा अघि सारेको छ भने श्रम संस्कृति पार्टीबाट शान्ती पाख्रिन उम्मेदवार बनेका छन्। नेपाली कांग्रेसबाट भने उम्मेदवारको टुंगो लाग्न बाँकी छ।
प्रकाशित मिति: ५ माघ २०८२, सोमबार
प्रतिक्रिया