काठमाडौं । सिन्धुलीको कमलामाई नगरपालिका–९ स्थित भिमान बसपार्कबाट प्रहरीले खैरो हेरोइनसहित एक जनालाई पक्राउ गरेको छ। पक्राउ पर्नेमा मोरङको सुन्दरहरैंचा नगरपालिका–५ का २५ वर्षीय संगम आचार्य रहेका छन्।
आइतबार बिहान इलाका प्रहरी कार्यालय भिमान र लागूऔषध नियन्त्रण ब्यूरो शाखा कार्यालय बर्दिबासबाट खटिएको संयुक्त टोलीले इटहरीबाट काठमाडौंतर्फ जाँदै गरेको बागमती प्रदेश–०१–००६ ख ८८६० नम्बरको सवारी साधन जाँच गर्ने क्रममा आचार्यलाई पक्राउ गरेको हो।
प्रहरीका अनुसार आचार्यको साथबाट १ सय ९० मिलिग्राम खैरो हेरोइन बरामद गरिएको छ।
प्रकाशित मिति: १२ माघ २०८२, सोमबार
प्रतिक्रिया