काठमाडाैं । काभ्रेको मण्डनदेउपुर नगरपालिका–९ जितौरी पोखरीमा बुधबार बिहान विद्यार्थी बोकेको स्कुल भ्यान दुर्घटनामा परेको छ।
जिल्ला प्रहरी कार्यालय काभ्रेका डिएसपी रविन विष्टका अनुसार, हिगुवापाटी–चन्देनी सडक खण्डमा बा १ ज ८६७२ नम्बरको नवप्रतिभा इङ्ग्लिस बोर्डिङ स्कुलको भ्यान दुर्घटनामा परेको हो।
भ्यानमा ५ जना विद्यार्थी सवार थिए, जसको अवस्था सामान्य रहेको बताइएको छ। तर चालक २४ वर्षीया दिपिका ढकाल घाइते भएकी छन् र उनको धुलिखेल अस्पतालमा उपचार भइरहेको डिएसपी विष्टले जानकारी दिए।
डिएसपीका अनुसार, भ्यानको ब्रेक फेल भएपछि उक्त सवारी सडकबाट करिब ६ मिटर दायाँ तर्फ रहेको घरमा ठोक्किएको थियो।
प्रकाशित मिति: १४ माघ २०८२, बुधबार
प्रतिक्रिया