काठमाडौं । उज्यालो नेपाल पार्टीका अध्यक्ष कुलमान घिसिङले देशका सबै क्षेत्रमा अन्धकार छाएको बताए। बिहीबार काठमाडौंमा भएको घरदैलो कार्यक्रममा उनले उज्यालो ल्याउन पार्टीलाई जिताउनुपर्नेमा जोड दिए।
घिसिङले भने, “अब बत्ति गएपछि सम्झिने नाम कुलमान भएको छ। देशभरको अन्धकार हटाउन उज्यालो नेपाल पार्टीको विकल्प छैन।” उनले जनताबाट सकारात्मक प्रतिक्रिया आएको र पार्टीलाई अत्यधिक मतले जिताउने विश्वास व्यक्त गरे।
पार्टी अध्यक्ष घिसिङले देशको नेतृत्व सही व्यक्तिले गर्दा मात्र उज्यालो हुने भन्दै आफू नेतृत्व गर्न तयार रहेको पनि बताए।
प्रकाशित मिति: १५ माघ २०८२, बिहिबार
प्रतिक्रिया