भोजपुर । भोजपुर जिल्लाको हतुवागढी गाउँपालिका–९ मचुवाबाट प्रहरीले करिब पाँच सय किलो गाँजासहित दश जनालाई पक्राउ गरेको छ।
केन्द्रीय प्रहरी समाचारकक्षका अनुसार आमचोक गाउँपालिका–९ निवासी २९ वर्षीय रुद्रबहादुर श्रेष्ठसहित नौ जनालाई बिहीबार शङ्कास्पद गतिविधिमा संलग्न अवस्थामा पक्राउ गरिएको हो। उनीहरू एक ट्र्याक्टरमार्फत गाँजा ओसारपसार गरिरहेको अवस्थामा नियन्त्रणमा लिइएका थिए।
प्रहरीले ना७त ३५० नम्बरको ट्र्याक्टर जाँच गर्दा ४३ वटा बोरामा राखिएको करिब ५०० किलो गाँजा फेला पारेको जनाएको छ। घटनापछि ट्र्याक्टरसहित सबै अभियुक्तलाई प्रहरी नियन्त्रणमा लिई थप अनुसन्धान अघि बढाइएको छ।
प्रहरीका अनुसार लागुऔषध ओसारपसारमा संलग्न रहेको आशंकामा पक्राउ परेकामाथि आवश्यक कानुनी प्रक्रिया अगाडि बढाइँदैछ।
प्रकाशित मिति: १६ माघ २०८२, शुक्रबार
प्रतिक्रिया