काठमाडौं । प्रधानमन्त्री सुशीला कार्की आगामी फागुन २१ गते हुने प्रतिनिधि सभा निर्वाचनको सुरक्षा अवस्थाबारे स्थलगत भ्रमणका लागि आज देशको पूर्वी पहाडी जिल्लाको भ्रमणमा निस्किएकी छन् ।
उनी आज बिहान प्रधानमन्त्रीको सरकारी निवास बालुवाटारबाट नेपाली सेनाको हेलिकोप्टर अगुस्टा एनए ०५८ चढेर सोलुखुम्बुतर्फ उडेकी छन् । भ्रमणका क्रममा सोलुखुम्बु, ओखलढुंगा, भोजपुर, पाँचथर र सुनसरी जिल्लाका सुरक्षा संयन्त्रसँग छलफल गर्ने कार्यक्रम छ। प्रधानमन्त्री कार्की आज इटहरीमा बसेर भोलि मात्रै काठमाडौं फर्कने जनाइएको छ ।
प्रकाशित मिति: २९ माघ २०८२, बिहिबार
