काठमाडौं। टी–२० विश्वकप अन्तर्गत समूह ‘बी’मा श्रीलंका र ओमानबीचको खेल जारी रहेको छ।
पल्लेकेले अन्तर्राष्ट्रिय क्रिकेट मैदानमा टस हारेर पहिले ब्याटिङ गरेको घरेलु टोली श्रीलंकाले निर्धारित २० ओभरमा ५ विकेट गुमाउँदै २२५ रन बनाएको छ। ओमानले जितका लागि २२६ रनको लक्ष्य पाएको छ।
श्रीलंकाका लागि कुशल मेन्डिसले ६१ रनको अर्धशतकीय इनिङ्स खेले। पवन रत्नायकेले ६० रन जोड्दा कप्तान दाशुन शनाकाले ५० रन बनाए। कमिन्दु मेन्डिस १९ रनमा अविजित रहे भने पथुम निसान्काले १३ रन जोडे।
बलिङतर्फ ओमानका जितेन रमानन्दीले दुई विकेट लिए। सुफ्यान मेहमुद र जय ओडेराले समान एक–एक विकेट हात पारे।
प्रकाशित मिति: २९ माघ २०८२, बिहिबार
प्रतिक्रिया