झापा। नेकपा (एमाले) ले अध्यक्ष केपी शर्मा ओलीलाई मत दिनैपर्ने ३० वटा कारण सार्वजनिक गरेको छ। पार्टीको झापा नं ५ क्षेत्रीय कमिटीले प्रकाशित अपिलमा राष्ट्रिय स्वाधिनता, शिक्षक दरबन्दी मिलान, अधुरा विकास योजना पूरा गर्ने, नवयुवाको प्राविधिक शिक्षा र स्वरोजगार प्रवर्द्धन, अर्थतन्त्र चलायमान बनाउने र कृषिक्षेत्रमा आत्मनिर्भरता सुनिश्चित गर्ने लगायतका बुँदाहरू समेटिएका छन्।
अपिलमा भनिएको छ कि निर्माणाधिन एशियन हाइवे, मध्यपहाडी राजमार्ग, मदन भण्डारी राजमार्ग र हुलाकी सडकका अधुरा निर्माण कार्य पूरा गर्न, दमक–रवि सडक–चिसापानी सडकलाई सम्पन्न गर्न, नेपाल–चीन मैत्री औद्योगिक पार्क निर्माण गर्न र दमक, गौरादह, गौरिगञ्ज बजारलाई स्मार्ट सिटीमा रूपान्तरण गर्न ओली आवश्यक छन्।
त्यसैगरी भूमिहिन, दलित, सुकुम्बासी र अव्यवस्थित बसोबासीका समस्या समाधान गर्ने, खोलाको तटबन्धन कार्य पूरा गर्ने र स्थानीय अस्पतालमा सहज सेवा विस्तार गर्ने कुरामा पनि ध्यान दिइएको छ।
पार्टीका केन्द्रीय सदस्य दीपक कार्कीले बताए अनुसार, अपिलले मतदातालाई अध्यक्ष ओलीको काम र योगदान सम्झाउने, मनोबल जगाउने र घरदैलोमा वितरित गर्न सजिलो सामग्रीको रूपमा प्रयोग हुने छ। कार्कीले भने, “‘केपी ओली र झापा ५ एकअर्काका परिपूरक हुन्। उहाँले गरेका विकास निर्माणका काम र स्थानीयसँगको सामिप्यताले चुनाव सहज बनाउन सहयोग गर्नेछ।’”
यसरी एमालेले अध्यक्ष ओलीलाई मत दिन आह्वान गर्दै ३० प्रमुख कारण मतदातासमक्ष प्रस्तुत गरेको छ।
प्रकाशित मिति: २ फाल्गुन २०८२, शनिबार
प्रतिक्रिया