गाजामा इजरायली आक्रमण : ९ जना प्यालेष्टिनीको मृत्यु

एजेन्सी। गाजामा इजरायली सेनाको आइतबार बिहानदेखि गरिएको आक्रमणमा कम्तीमा ९ जना प्यालेस्टिनीको मृत्यु भएको छ। घटनामा दक्षिणी गाजा को खान युनिस क्षेत्रमा पाँच र उत्तरी गाजा को अल-फलुजा क्षेत्रमा चार जनाको मृत्यु भएको स्थानीय अस्पताल स्रोतहरूले जानकारी दिएका छन्।

नासेर अस्पतालका अनुसार खान युनिस क्षेत्रमा भएको आक्रमणमा पाँच जनाको मृत्यु भएको पुष्टि भएको छ भने अल-शिफा अस्पतालले अल-फलुजा क्षेत्रमा विस्थापित नागरिक बसिरहेको पालमा भएको आक्रमणमा चार जनाको मृत्यु भएको जनाएको छ। घटनामा घाइते भएका अन्य नागरिकलाई उपचारका लागि नजिकैका अस्पतालमा लगिएको छ।

इजरायली सेनाले उत्तरी गाजामा सशस्त्र लडाकु प्रवेश गरेको दाबी गर्दै आक्रमण गरेको जनाएको छ। सेनाका अनुसार कम्तीमा दुई लडाकु मारिएका छन् भने पहेँलो रेखा पार गरी तत्काल खतरा सिर्जना गरेको आरोपमा अर्का एक व्यक्तिलाई पनि मारिएको बताइएको छ। यस घटनालाई अमेरिकाको मध्यस्थतामा भएको भनिएको युद्धविरामको उल्लङ्घनको रूपमा हेरिएको छ।

त्यसैगरी, इजरायली सेनाले दक्षिणी लेबनानमा हिज्बुल्लाह समूहसँग सम्बन्धित भनिएका गोदामहरूमा पनि आक्रमण गरेको छ। इजरायली सेनाले घटनाबारे तत्काल औपचारिक टिप्पणी नगरेको भए पनि, आक्रमणको उद्देश्य सशस्त्र लडाकुको गतिविधि नियन्त्रण गर्नु र क्षेत्रीय सुरक्षा सुनिश्चित गर्नु रहेको बताइएको छ।

स्थानीय रिपोर्टहरूका अनुसार आक्रमणपछि घरहरूमा आगजनी, हिंसा र अपहरणका घटनाहरू पनि भएको बताएका छन्। अपहरण गरिएका व्यक्तिहरूको संख्या ठ्याक्कै खुलिसकेको छैन। शनिबार बिहान भएका आक्रमणहरू यस महिनाको सुरुमा भएको शंकास्पद जिहादी नरसंहार स्थल नजिकै भएका थिए, जसमा १०० भन्दा बढी मानिसको मृत्यु भएको थियो।

धेरै वर्षदेखि पश्चिमी र मध्य नाइजेरियामा “ब्यान्डिट” भनेर चिनिने सशस्त्र आपराधिक गिरोहहरूले आक्रमण, अपहरण र हिंसा गर्दै आएको इतिहास रहेको छ। पछिल्लो समय यस्ता घटनाहरू तीव्र गतिमा बढ्दै गएपछि स्थानीय सुरक्षा निकायहरू सतर्क बनेका छन्। गाजामा जारी आक्रमणले पनि क्षेत्रीय तनाव बढाएको बताइएको छ।

प्रकाशित मिति: ३ फाल्गुन २०८२, आइतबार