काठमाडौं । आइसीसी पुरुष टि-२० विश्वकप २०२६ अन्तर्गत पाकिस्तानविरुद्धको खेलमा भारतीय ओपनर इशान किशनले सानदार अर्धशतक प्रहार गरेका छन्।
श्रीलंकाको कोलम्बोस्थित आर प्रेमदासा स्टेडियममा भइरहेको रोमाञ्चक खेलमा किशनले आक्रामक ब्याटिङ गर्दै भारतको पारी सम्हालेका हुन्।
किशनले मात्र ३० बलको सामना गर्दै अविजित ५४ रन बनाएका छन्। उनको यो विस्फोटक पारीमा ८ चौका र २ छक्का समावेश छ।
१८० को स्ट्राइक रेटमा ब्याटिङ गरिरहेका किशनले पाकिस्तानी तीव्र गतिका बलर र स्पिनर दुवैलाई दबाबमा राखेका छन्।
यसअघि टस हारेर पहिले ब्याटिङको निम्तो पाएको भारतको सुरुवात भने सुखद रहेन।
पहिलो ओभरको अन्तिम बलमा ओपनर अभिषेक शर्मा शून्य रनमा आउट भएपछि भारत दबाबमा देखिएको थियो।
तर, किशनले तिलक वर्मासँग मिलेर दोस्रो विकेटका लागि महत्वपूर्ण साझेदारी गर्दै भारतलाई ६० रनको स्कोर पार गराएका छन्।
प्रकाशित मिति: ३ फाल्गुन २०८२, आइतबार
प्रतिक्रिया