काठमाडौं । सर्लाहीमा एक जना सव–इन्जिनियरमाथि गोली प्रहार भएको छ। आइतबार साँझ मलंगवा नगरपालिका–१० क्षेत्रमा अपरिचित समूहले गोली चलाउँदा सव–इन्जिनियरको मृत्यु भएको हो।
प्रहरीका अनुसार प्रमोदकुमार यादव माथि लक्षित गरी गोली प्रहार गरिएको थियो। उनी मलंगवास्थित पूर्वाधार विकास कार्यालयमा कार्यरत सव–इन्जिनियर हुन्। गोली यादवको देव्रे छातीमा लागेको बताइएको छ।
गोली प्रहारबाट घाइते भएका यादवको मलंगवास्थित प्रादेशिक अस्पतालमा उपचारका क्रममा मृत्यु भएको हो।
प्रहरीले घटनाबारे थप अनुसन्धान सुरु गरेको र मलंगवा सदरमुकाम क्षेत्रमा सुरक्षा व्यवस्था कडा पारिएको जनाएको छ।
प्रकाशित मिति: ३ फाल्गुन २०८२, आइतबार
प्रतिक्रिया