जनकपुरधाम । सर्लाहीको मलंगवामा अज्ञात समूहले गोली प्रहार गर्दा सर्लाही पूर्वाधार विकास कार्यालयमा कार्यरत सब–इन्जिनियर प्रमोद यादवको मृत्यु भएको छ।
प्रहरीका अनुसार शुक्रबार साँझ करिब ८ बजेतिर मलंगवा नगरपालिका–१० क्षेत्रमा यादवमाथि गोली प्रहार गरिएको हो। गोली लागेर गम्भीर घाइते भएका उनलाई तत्काल उपचारका लागि मलंगवा अस्पताल पुर्याइएको थियो। अस्पताल स्रोतका अनुसार यादवको मुटुको नजिक गोली लागेको थियो र उपचारका क्रममा उनको ज्यान गएको हो।
जिल्ला प्रहरी कार्यालय सर्लाहीका डीएसपी सरोज राईले घटनामा संलग्न व्यक्तिहरूको पहिचान र पक्राउका लागि खोजी अभियान तीव्र पारिएको उनले बताए।
घटनाको कारण र संलग्न पक्षबारे थप विवरण आउन बाँकी रहेको प्रहरीले जनाएको छ। जिल्ला भर उच्च सतर्कता अपनाइएको छ भने घटनास्थल आसपास सुरक्षा व्यवस्था कडा बनाइएको छ।
प्रकाशित मिति: ३ फाल्गुन २०८२, आइतबार
प्रतिक्रिया