काठमाडौं। उज्यालो नेपाल पार्टीका अध्यक्ष कुलमान घिसिङले कामका आधारमा जिम्मेवारी बढाउँदै लैजाने भन्दै नवप्रवेशी कार्यकर्तालाई आश्वस्त पारेका छन्।
सोमबार त्रिपुरेश्वरस्थित पार्टी कार्यालयमा आयोजित पार्टी प्रवेश कार्यक्रममा सम्बोधन गर्दै उनले तत्कालका लागि निर्वाचनमा पार्टीका आधिकारिक उम्मेदवारलाई विजयी गराउन सक्रिय रूपमा खटिन आग्रह गरे। जिम्मेवारी निर्धारणबारे भने निर्वाचनपछि सल्लाह गरेर टुंगो लगाइने उनले बताए।
“आज उज्यालो पार्टीसँग जोडिनुभएका सबै साथीहरू हाम्रा उम्मेदवारलाई जिताउन लाग्नुहोस्। जिम्मेवारी कामको आधारमा विस्तार हुँदै जान्छ। निर्वाचनपछि महाधिवेशन हुन्छ र त्यतिबेला जिम्मेवारी तोकिनेछ। तत्कालका लागि केही जिम्मेवारी चाँडै तोक्नेछौं,” उनले भने।
विभिन्न राजनीतिक दल परित्याग गरी करिब तीन दर्जन व्यक्तिहरू सोमबार उज्यालो नेपाल पार्टीमा प्रवेश गरेका थिए।
प्रकाशित मिति: ४ फाल्गुन २०८२, सोमबार
प्रतिक्रिया