काठमाडौं । मालारानी गाउँपालिका–३ टुनीपोखरीमा स्थानीयले राखेको पासोमा परेर घाइते भएको चितुवा सोमबार दिउँसो मरेको छ।
घाइते चितुवालाई उद्धार गरेर अर्घाखाँची जिल्ला वन कार्यालयमा उपचारका लागि लगिएको थियो। डिभिजन वन कार्यालयका सूचना अधिकारी केशव खड्काले चितुवाको मृत्यु भएको जानकारी दिएका छन्।
उद्धारको क्रममा वन कार्यालयका कर्मचारी नमलाल श्रेष्ठ पनि घाइते भएका छन् र उनकाे उपचार जारी छ।
प्रकाशित मिति: ५ फाल्गुन २०८२, मंगलबार
प्रतिक्रिया