काठमाडौं। महाशिवरात्रिको अवसरमा पशुपतिमा खटिएका प्रहरीमाथि कुटपिट गर्ने युवकलाई प्रहरीले पक्राउ गरेको छ।
ड्युटीमा रहेका एक प्रहरीमाथि मुक्का र लात्ती प्रहार गरेको दृश्य सामाजिक सञ्जालमा सार्वजनिक भएपछि प्रहरीले आक्रमणकारीको खोजी थालेको थियो।
जिल्ला प्रहरी परिसर काठमाडौंका अनुसार मकवानपुरको ठुलदमार घर भई हाल काठमाडौं महानगरपालिका–१३ चागल बस्ने २५ वर्षीय रिजन श्रेष्ठलाई आज नियन्त्रणमा लिइएको हो।
मंगलबार प्रहरीले सूचना जारी गर्दै घटनामा संलग्न युवकको पहिचानका लागि नागरिकसँग सहयोग मागेको थियो। अनुसन्धान प्रक्रिया अगाडि बढाइएको प्रहरीले जनाएको छ।
प्रकाशित मिति: ६ फाल्गुन २०८२, बुधबार
प्रतिक्रिया