काठमाडौँ। मकवानपुरको मनहरी–७, बिजौनास्थित पूर्वपश्चिम सडक खण्डमा बस दुर्घटना हुँदा २२ जना घाइते भएका छन्।
वीरगंजबाट चितवनतर्फ आउँदै गरेको बा प्र.०६–००१ ख ००५४ नम्बरको यात्रुबाहक बस अनियन्त्रित भई सडकको बाँया पट्टिको विद्युत्को पोलमा ठोक्किँदा दुर्घटना भएको जिल्ला प्रहरी कार्यालय मकवानपुरले जनाएको छ।
बसमा सवार २२ जनालाई उद्धार गरी उपचारका लागि चितवन पठाइएको छ र उनकाे स्वास्थ्य अवस्था सामान्य रहेको प्रहरीले जानकारी दिएको छ।
प्रकाशित मिति: १० फाल्गुन २०८२, आइतबार
प्रतिक्रिया