काठमाडौं । राष्ट्रिय स्वतन्त्र पार्टी (रास्वपा) का बागमती प्रदेश समिति सदस्य हरि चौलागाईंले पार्टी परित्याग गरेका छन्।
चौलागाईंले रास्वपाको कार्यशैलीप्रति असन्तुष्टि जनाउँदै पार्टी छाडेको बताएका हुन्। उनका अनुसार पार्टी विरोधकै राजनीतिमा सीमित रहने र व्यवहारभन्दा भाषणमा बढी केन्द्रित हुने शैली आफूलाई चित्त नबुझेको बताए।
उनले पार्टीले जनताको प्रत्यक्ष सुखदुःखमा जोडिने, विकास र आर्थिक समृद्धिलाई प्राथमिकतामा राख्ने स्पष्ट कार्यदिशा अवलम्बन गर्नुपर्ने धारणा राखेका छन्।
रास्वपाको संघीय निर्वाचन परिचालन समिति सदस्यसमेत रहेका चौलागाईं लामो समयदेखि पार्टीको संगठन विस्तार तथा निर्वाचन परिचालनमा सक्रिय भूमिका निर्वाह गर्दै आएका थिए।
प्रकाशित मिति: ११ फाल्गुन २०८२, सोमबार
प्रतिक्रिया