काठमाडौं । गोरखा बुंकोटमा चट्याङ लाग्दा एक बालिकाको मृत्यु भएको छ भने दुई जना घाइते भएका छन्।
मंगलबार दिउँसो करिब ४ बजेतिर परेको चट्याङका कारण सहिद लखन गाउँपालिका–८ बुंकोटकी १२ वर्षीय दिलिशा घर्ती मगरको मृत्यु भएको आरुघाट आधारभूत अस्पतालले जनाएको छ।
सोही घटनामा घाइते भएका १३ वर्षीया दीक्षा घर्ती मगर (बुंकोट) र भीमसेन थापा गाउँपालिका–६ का २४ वर्षीय वीरेन्द्र थापामगर उपचाररत छन्। अस्पतालले उनीहरूको अवस्था सामान्य रहेको जनाएको छ।
घटना त्रिपुरासुन्दरी गाउँपालिका–३, मूलपानी खुर्सानीटार, धादिङमा भएको थियो। अस्पताल पुर्याउँदा दिलिशा घर्ती मगरको मृत्यु भइसकेको थियो।
प्रकाशित मिति: १३ फाल्गुन २०८२, बुधबार
प्रतिक्रिया