काठमाडाैं । रवि लामिछाने, राष्ट्रिय स्वतन्त्र पार्टी (रास्वपा) का सभापति, सिरहा–४ मा उम्मेदवार तपेश्वर यादवको चुनावी प्रचारमा सहभागी हुँदै मतदातालाई पैसासँग भविष्य नबेच्न आग्रह गरेका छन्।
सभामा लामिछानेले पैसा खर्च गरेर भोट माग्नेहरूलाई खबरदारी गर्न पनि आग्रह गर्दै भने, ‘पैसामा आफ्नो भविष्य नबेच्नु होला।’ तर कसैले दिएको खण्डमा पैसा लिन पनि उनले अनुमति दिएका छन्।
उनले थपे, कसैले दिएछ भने लिए हुन्छ किनभने त्यो हाम्रो चोरेको पैसा हो। हाम्रो भविष्य चोरीको पैसा हो। हाम्रो पैसा चोरेर लिएर गएर हामीलाई नै बाँढ्छ भने आफ्नै पैसा लिँदा पाप लाग्दैन। तर गलत मान्छेलाई भोट हाल्यो भने पाप लाग्छ।
यसरी लामिछानेले मतदातालाई चेतना दिँदै आफ्नो चुनावी एजेन्डालाई सुदृढ गर्ने प्रयास गरेका छन्।
प्रकाशित मिति: १३ फाल्गुन २०८२, बुधबार
प्रतिक्रिया