काठमाडौं । रुकुम पश्चिममा उज्यालो नेपाल पार्टीका उम्मेदवार नरेन्द्र केसीले प्रगतिशील लोकतान्त्रिक पार्टी (प्रलोपा)का उम्मेदवार जनार्दन शर्मालाई समर्थन गर्ने घोषणा गरेका छन्।
शुक्रबार बिहान आयोजित पत्रकार सम्मेलनमा केसीले रुकुम पश्चिमको समग्र विकासका लागि सहकार्य गर्ने सहमति भएको भन्दै आफ्नो उम्मेदवारी निष्क्रिय पारेर शर्मालाई समर्थन गर्ने निर्णय गरिएको बताए।
यसअघि नेकपा एमालेले पनि शर्मालाई समर्थन गरिसकेको छ। अब रुकुम पश्चिममा प्रलोपाका शर्मा, नेपाली कांग्रेसका राजु केसी, नेकपाका गोपाल शर्मा र राष्ट्रिय स्वतन्त्र पार्टीका मानबहादुर शाहीबीच चुनावी प्रतिस्पर्धा हुने भएको छ।
प्रकाशित मिति: १५ फाल्गुन २०८२, शुक्रबार
प्रतिक्रिया