काठमाडौं । नेपाली कांग्रेस ले शुक्रबार तीन जिल्लामा चुनावी सभा आयोजना गर्ने भएको छ। पार्टीका अनुसार रुपन्देही, बागलुङ र कास्कीमा हुने सभालाई केन्द्रीय नेतृत्वले सम्बोधन गर्नेछ।
रुपन्देहीको बुटवलमा बिहान ११ बजे, बागलुङ बजारमा दिउँसो १ बजे तथा कास्कीको पोखरामा दिउँसो ३ बजे चुनावी सभा तय गरिएको छ। तीनै स्थानमा पार्टी सभापति गगनकुमार थापा र उपसभापति विश्वप्रकाश शर्मा लगायतका पदाधिकारीहरूको उपस्थिति रहने जनाइएको छ।
पार्टीले चुनावी अभियानलाई तीव्रता दिँदै देशका विभिन्न जिल्लामा कार्यक्रम विस्तार गरिरहेको जनाएको छ। यसअघि बिहीबार सुर्खेत र बाँकेमा आयोजित सभालाई पनि केन्द्रीय नेताहरूले सम्बोधन गरेका थिए। सुर्खेतको कार्यक्रममा उपसभापति पुष्पा भुसाल सहभागी थिइन् भने उपसभापति शर्मा नवलपरासी पश्चिममा आयोजित कार्यक्रममा सहभागी भएका थिए।
प्रकाशित मिति: १५ फाल्गुन २०८२, शुक्रबार
प्रतिक्रिया