रुपन्देही । नेपाल कम्युनिस्ट पार्टी (नेकपा) का केन्द्रीय सदस्य तथा संविधानसभा सदस्य विनोद पहाडी ले हालै नेकपा एमाले मा प्रवेश गरेका छन्।
एमाले प्रवेश कार्यक्रममा उपाध्यक्ष विष्णु पौडेल, सचिव छविलाल विश्वकर्मा र नेता लीला गिरी ले पहाडीलाई पार्टीमा स्वागत गरेका थिए। पहाडी हाल राष्ट्रिय दलित पत्रकार महासङ्घका अध्यक्ष पनि हुन्।
एमालेमा प्रवेश गर्दै उनले राष्ट्रिय स्वाभिमान र पार्टीको दृढतालाई आफ्नो निर्णयको आधार बनाएको बताएका छन्। उनले एमालेमाथि भइरहेको घेराबन्दी र आक्रमणलाई लोकतन्त्र र गणतन्त्रमाथिको प्रत्यक्ष चुनौती भएको उल्लेख गरे।
पहाडीले आफ्नो पार्टी रोज्ने निर्णय कुनै लोभ वा लहडका कारण नभई स्पष्ट विचार र सिद्धान्तको आधारमा गरिएको बताए।
उनसँगै नेकपा रुपन्देहीका सदस्य सरोज गौतम र नगर सदस्य जनक गौतम पनि एमालेमा प्रवेश गरेका छन्।
प्रकाशित मिति: १६ फाल्गुन २०८२, शनिबार
प्रतिक्रिया