काठमाडौ । कतारको दोहा विमानस्थल अस्थायी रूपमा बन्द भएपछि आज त्यहाँका लागि हुने सबै हवाई उडान रोकिएको छ। नेपाल नागरिक उड्डयन प्राधिकरणका सूचना अधिकारी ज्ञानेन्द्र भुलका अनुसार कतार सरकारको निर्णयपछि उडान रोकिएको हो।
भुलका अनुसार, ‘दोहा एयरपोर्ट बन्द भएपछि त्यहाँबाट हुने उडान स्वतः प्रभावित भएको छ। युएई, कुवेत लगायतका अन्य देशका उडानको बारेमा अहिलेसम्म कुनै जानकारी प्राप्त भएको छैन। हाम्रो तर्फबाट निर्णय गर्ने अधिकार नभएकोले अपडेटको प्रतीक्षा गरिरहेका छौँ,’ उनले बताए।
यस निर्णयसँगै नेपाल–कतारबीचका हवाई सेवा अस्थायी रूपमा ठप्प भएका छन् र यात्रु तथा एयरलाइन कम्पनीहरूलाई असर पुगेको छ।
प्रकाशित मिति: १६ फाल्गुन २०८२, शनिबार
प्रतिक्रिया