एजेन्सी । ओमानमा एउटा तेल ट्यांकरमाथि आक्रमण भएको ओमानको समुद्री सुरक्षा केन्द्रले आइतबार पुष्टि गरेको छ। मसन्दाम तटबाट करिब पाँच समुद्री माइल टाढा तेल ट्यांकरमाथि आक्रमण भएको जनाइएको छ।
घटनामा चार जना घाइते भएका छन् भने २० सदस्यीय चालक दललाई सुरक्षित रूपमा उद्धार गरिएको छ। आक्रमित जहाज स्काइलाइट पश्चिम प्रशान्त क्षेत्रको टापु राष्ट्र पलाउको झन्डामुनि सञ्चालनमा रहेको थियो।
समुद्री सुरक्षा केन्द्रका अनुसार उद्धार कार्य ओमानी नौसेना र सैनिक बलले गरेका हुन्। यस घटनाले ओमानको समुद्री सुरक्षा तयारी र राष्ट्रिय सुरक्षा क्षमताको प्रतिबिम्ब प्रस्तुत गरेको बताइएको छ।
ओमानले इरान र अमेरिकाबीच नयाँ आणविक सम्झौता गर्ने वार्तामा हालै महत्त्वपूर्ण मध्यस्थकर्ता भूमिका खेलेको थियो।
प्रकाशित मिति: १७ फाल्गुन २०८२, आइतबार
प्रतिक्रिया