काठमाडौं । भक्तपुरको चाँगुनारायण नगरपालिका–८ स्थित वन कार्यालय नजिक कार दुर्घटना हुँदा चार जना घाइते भएका छन्।
नगरकोटबाट भक्तपुरतर्फ आउँदै गरेको बा ५ च ७८८१ नम्बरको कार सडकबाट करिब २०० मिटर तल खसेको सशस्त्र प्रहरी बलले जनाएको छ।
सशस्त्र प्रहरी बलका सहप्रवक्ता डीएसपी शैलेन्द्र थापाका अनुसार कारमा पाँच जना सवार थिए। तीमध्ये चार जना घाइते भएका छन्।
दुर्घटनालगत्तै सशस्त्र प्रहरी बल नेपाल निर्वाचन क्षेत्र नम्बर–१ को स्ट्राइकिङ टोली घटनास्थल पुगेर उद्धार कार्यमा खटिएको थियो। घाइतेहरूलाई उपचारका लागि जिल्ला अस्पताल भक्तपुर पठाइएको जनाइएको छ।
प्रकाशित मिति: १८ फाल्गुन २०८२, सोमबार
प्रतिक्रिया